Acmhainn: ‘A Splash of Blue’ le Comhairle Contae Mhaigh Eo

Seirbhís Ealaíon Chomhairle Contae Mhaigh Eo & Kids' Own Publishing
Acmhainn bhunscoile

Is Taispeántas Scoileanna agus acmhainn ranga é ‘A Splash of Blue’ atá ar fáil ar iasacht do bhunscoileanna i gContae Mhaigh Eo ó Sheirbhís Ealaíon Chomhairle Contae Mhaigh Eo. Tá na saothair ealaíne sa taispeántas mar chuid de bhailiúchán Chomhairle Contae Mhaigh Eo, agus baineann siad le healaíontóirí atá ag cur fúthu i Maigh Eo nó a raibh taispeántas acu sa chontae.

Togra de chuid Sheirbhís Ealaíon Chomhairle Contae Mhaigh Eo is ea ‘A Splash of Blue’, a forbraíodh i gcomhpháirt le Kids’ Own Publishing chun go mbeadh rochtain ag scoileanna ar an mbailiúchán lena thaispeáint do leanaí conas saothair ealaíne a fhiosrú trí fhéachaint, smaoineamh, caint agus freagairt ar bhealaí cruthaitheacha.

Tá an bailiúchán ‘A Splash of Blue’ agus an acmhainn atá ag gabháil leis ar fáil anois le cuairt a thabhairt ar scoileanna i gContae Mhaigh Eo. Tá an leabhrán lán le smaointí ó leanaí maidir le conas dul i ngleic leis na saothair ealaíne ar bhealach taitneamhach agus iad á dtaispeáint i do scoil. Anois féadfaidh tusa bheith i do thaiscéalaí cruthaitheach, agus an leabhrán seo á úsáid agat chun tacú le do thóraíocht taisce ar Thaispeántas na Scoileanna.

Más spéis le do scoil a bheith páirteach agus ‘A Splash of Blue’ a úsáid chun tacú le do chuid taiscéalaíochta ar Thaispeántas na Scoileanna, cuir r-phost chuig mayoarts@mayococo.ie nó cuir glaoch ar 09490 64666 chun cuairt saor in aisce chuig do scoil a eagrú.

Le haghaidh tuilleadh eolais, féach: www.mayo.ie/arts/programme/youth-art/schools-exhibition