Dámhachtain Doiciméadaithe 2025: Fógraíodh Cruthaitheacht sa Seomra Ranga mar an Dara Buaiteoir

Tá lúcháir ar Fhoireann na Tairsí Cruthaitheacht sa Seomra Ranga a fhógairt le cúig bhunscoil i mBaile Átha Cliath 8 agus i mBaile Átha Cliath 12 mar an dara buaiteoir de Dhámhachtain Doiciméadaithe Tairseach na hEalaíona san Oideachas 2025. Ceiliúrann an dámhachtain speisialta seo an 10ú gcomóradh de Thairseach na hEalaíona san Oideachas.

Tionscadal: Cruthaitheacht sa Seomra Ranga

Is tionscnamh comhoibríoch idir ealaíontóirí agus múinteoirí é Cruthaitheacht sa Seomra Ranga a d’eascair as uafás sóisialta agus eacnamaíoch an lucht oibre i mBaile Átha Cliath 8 agus 12 sna 1980idí & 90idí. Ag an am sin, thug múinteoirí comharthaí tráma faoi deara i leanaí i scoileanna áitiúla agus rinne siad iarracht teacht ar bhealach chun tacú le folláine mhothúchánach agus shóisialta an linbh.

In 1997, bunaíodh Cruthaitheacht sa Seomra Ranga de bharr plé tras-earnála arna threorú ag Comhpháirtíocht Phobail na Canála, clár um ealaíona cruthaitheacha scoil-bhunaithe a chreideann go bhféadfadh tionchar dearfach agus gníomhach a bheith ag na healaíona ar fhorbairt iomlánaíoch an linbh agus a eispéireas oideachais.

Sa lá atá inniu ann, leanann Cruthaitheacht sa Seomra Ranga ar aghaidh feabhas a chur ar shaolta ár leanaí, agus cuireann éagsúlacht ár bpobal scoile atá ag dul i méid i gcónaí leis seo. Leanann leanaí ar aghaidh eolas a dhéanamh do threoir an tionscadail ealaíne próiseas-bhunaithe seo, i gcomhar le healaíontóirí agus múinteoirí. In ainneoin na ndúshlán éagsúil roimh ár leanaí agus a dteaghlaigh, tá cruthaitheacht fós ag dul ó neart go neart i measc na glúine seo de dhéantóirí agus ghníomhaithe.

Bhí na mílte leanbh in ann rochtain ar oideachas ealaíona den scoth a fháil ina seomra ranga de bharr nádúr fadaimseartha an tionscadail seo, arna thacú le comhoibriú tábhachtach múinteoirí agus ealaíontóirí

Scoileanna atá rannpháirteach faoi láthair
• Bunscoil Naomh Séamas, Lána an Taiscumair, Baile Átha Cliath 8
• Bunscoil Shóisearach Loreto, Cromghlinn, Baile Átha Cliath 12
• Bunscoil Shinsearach Loreto, Cromghlinn, Baile Átha Cliath 12
• Warrenmount, Bunscoil na Toirbhirte, Na Cuithí Dubha, Baile Átha Cliath 8
• Bunscoil Mhuire Lourdes, Inse Chór, Baile Átha Cliath 8

Ealaíontóirí atá rannpháirteach faoi láthair
Bhain Liz McMahon céim amach sa Mhínealaín ó Scoil Luimnigh Ealaín agus Dearadh in 1981 agus ghlac sí páirt i gcuid mhór clár ealaíne, idir bunscoileanna éagsúla, ó shin. Is í an t-ealaíontóir is faide ar an tionscadal í (ó bhí 1997 ann) agus leanann sí meantóireacht agus tacaíocht a thabhairt d’ealaíontóirí.

Is ealaíontóir Ceirmeach í Deirdre O’Reilly a bhfuil cleachtas pearsanta agus comhoibríoch aici. D’fhorbair sí cleachtas próiseas-bhunaithe le leanaí agus múinteoirí le 20 bliain anuas i gCruthaitheacht sa Seomra Ranga.

Is amharc-ealaíontóir í Jane Groves a bhfuil saineolas aici ar a bheith ag obair le daoine óga, a spreag a breathnuithe féin ar nádúr agus rinne spraíúlacht agus fiosracht nádúrtha na leanaí eolas dó sin.

Is í Duffy Mooney Shephard an ball is nua den fhoireann. Is Maisitheoir agus Scéalaí í Duffy. Is gairmí oideachais ealaíne a bhfuil neart taithí aici í a bhfuil saineolas aici ar éascú ceardlainne & ar chlárúeagrú do leanaí, do theaghlaigh agus do scoileanna.

Melissa Hogan: Múinteoir/ Comhordaitheoir
Is múinteoir bunscoile í Melissa a bhfuil suim as cuimse aici sna healaíona cruthaitheacha agus an tionchar dearfach atá ag léiriú cruthaitheach ar fholláine. Ghlac sí páirt i gCruthaitheacht sa Seomra Ranga le breis agus 25 bliain anuas agus tá sí paiseanta faoi conas a d’fheabhsaigh an tionscadal iontach seo saolta na leanaí ar a bhfreastalaíonn sé i ngach pobal scoile.